Konnararnir koma á Tónahátíð. Afkomendur Jóhanns Konráðssonar söngvara og Fanneyjar Oddgeirsdóttur eru þjóðkunnir fyrir söng sinn. Þau sem nú koma í Þjórsárver eru: bræðurnir Jóhann Már Jóhannsson og Svavar Hákon Jóhannsson; bræðurnir Örn Viðar Birgisson og Stefán Birgisson; Jóna Fanney Svavarsdóttir og Erlendur Þór Elvarsson og yngst í hópnum er Lína Björk Stefánsdóttir. Öll eiga það sameiginlegt að syngja sér og öðrum til ánægju og eins og andinn býður hverju sinni, en Jóna Fanney og Erlendur hafa lokið söngnámi. Undirleikari á Konnarakvöldi er Lára Rafnsdóttir píanóleikari, ættuð frá Ísafirði. Dagskráin er fjölbreytt og má fullyrða að allir finni þar eitthvað við sinn smekk. Það er ekki á hverjum degi sem Sunnlendingum gefst kostur á að hlýða á þessa einstöku söngfjölskyldu. Nú er tækifærið.

Jóhann Már Jóhannsson	Svavar Hákon Jóhannsson	Örn Viðar Birgisson	Stefán Birgisson
Jóna Fanney Svavarsdóttir	Erlendur Þór Elvarsson	Lína Björk Stefánsdóttir	Lára Rafnsdóttir

Missið ekki af einstökum listviðburði.
Miðapantanir í síma 862 2345
Menningarmiðstöðin Þjórsárver • www.thjorsarver.is

Minnum einnig á hið árlega Söngkvöld, laugardaginn 20. okt. kl. 21.00